Aye Hussnain Ke Nana

Zehra-e-Pak ke sadqe hum ko Taiba mein bulwana Ae Hasnain ke nana, ae Hasnain ke nana

Aap ke dar ka hoon main bhikari aap hain mere data Saare rishton naaton se hai pyara apna naata

Aap to hain aata hai jinko sabhi ki laaj nibhana Ae Hasnain ke nana, ae Hasnain ke nana

Besaya hai lekin do jag par hai aap ka saya Arsh-e-Mualla bana mohalla deed ko Rab ne bulaya

Your Lyrics, Even Offline - Install the App for Free!

Hashr talak na hoga kisi ka aisa aana jaana Ae Hasnain ke nana, ae Hasnain ke nana

Saj gayi hai Milad ki mehfil kya hai khoob nazara Kaif-o-masti mein dooba hai dekho aalam saara

Dhoond rahi hai aap ki rehmat bakhshish ka bahana Ae Hasnain ke nana, ae Hasnain ke nana

Nisbat ka faizan hai dekho Khadim Ghous-e-Jali hoon Karta hai mujh pe naaz zamana main Ausaf Ali hoon

Aap ki aal ke dar ka sad hoon sail hoon purana Ae Hasnain ke nana, ae Hasnain ke nana

Zehra-e-Pak ke sadqe hum ko Taiba mein bulwana Ae Hasnain ke nana, ae Hasnain ke nana