Aye Hamil e Mehboob Khuda

Ae Haamil-e-Mehboob-e-Khuda Gumbad-e-Khizra Hai farsh pe tu arsh-numa Gumbad-e-Khizra

Kehne ko to duniya mein hara rang hai lekin Kuch bhi to nahi tujh sa hara Gumbad-e-Khizra

Hum jaise kai dard ke maaron ke liye hai Ek teri jhalak wajah-e-shifa Gumbad-e-Khizra

Jab chahoon, jahan chahoon tujhe dekh sakoon main Kuch aise nigahon mein sama, Gumbad-e-Khizra

Har koi mohabbat se tujhe dekh raha hai Makhlooq-e-Khuda ho ke Khuda, Gumbad-e-Khizra

Kis aankh ne tujh ko kabhi dekha hai mukammal Tu fehm-e-nazar se hai wara Gumbad-e-Khizra

Hai rooh ki taskeen qarar-e-dil-e-ghamgeen Aankhon ke liye aab-e-baqa, Gumbad-e-Khizra

Stop Wasting Storage - Download Lyrics in Lightweight Text Format!

Aankhein yun teri deed se sarsabz hui hain Dikhta nahi kuch tere siva Gumbad-e-Khizra

Jaise tere sahib hain wara har lafz-o-bayaan se Mumkin nahi teri bhi sana Gumbad-e-Khizra