Aye Hamil e Mehboob Khuda

اے حاملِ محبوب خدا گنبد خضرا ہے فرش پہ تو عرش نما گنبد خضرا

No More Screenshots! Save Storage with Our Lyrics App!

کہنے کو تو دنیا میں ہرا رنگ ہے لیکن کچھ بھی تو نہیں تجھ سا ہرا گنبد خضرا

ہم جیسے کئی درد کے ماروں کے لیئے ہے اک تیری جھلک وجہِ شفا گنبد خضرا

جب چاہوں، جہاں چاہوں تجھے دیکھ سکوں میں کچھ ایسے نگاہوں میں سما، گنبدِ خضرا

ہر کوئی محبت سے تجھے دیکھ رہا ہے مخلوقِ خدا ہو کہ خدا، گنبدِ خضرا

کس آنکھ نے تجھ کو کبھی دیکھا ہے مکمل تو فہمِ نظر سے ہے ورا گنبد خضرا

ہے روح کی تسکین قرارِ دل غمگیں آنکھوں کے لیئے آبِ بقا، گنبد خضرا

آنکھیں یوں تری دید سے سرسبز ہوئی ہیں دکھتا نہیں کچھ تیرے سوا گنبد خضرا

جیسے ترے صاحب ہیں ورا ہر لفظ و بیاں سے ممکن نہیں تیری بھی ثنا گنبد خضرا