Ataye Kibriya Hain Aur Main Hoon

Ata-e-Kibriya hai aur main hoon "Diyar-e-Mustafa ﷺ hai aur main hoon"

Ilahi hai teri shan-e-karimi Dar-e-Khairul-Wara ﷺ hai aur main hoon

Charaghan hi charaghan har taraf hai Madinah ki fiza hai aur main hoon

Talab bar-e-digar mujh ko kiya hai Nawazish hai ata aur main hoon

More Lyrics, Less Storage - Install the App and Ditch the Screenshots!

Masham-e-jaan muattar ho rahe hain Nakhat ki yeh fiza aur main hoon

Malaik jis dar-e-aqdas ko tarse Woh dar un ka khula hai aur main hoon

Sunhari jaliyon ke samne hoon Yeh manzar dilruba hai aur main hoon

Tahi daman, nahin daman kisi ka Karam ki intiha hai aur main hoon

Madine ka tasawwur hai ibadat Saba khushbu, ghata hai aur main hoon

Karam ki ik nazar mujh par ho Aaqa Sada-e-benawa hai aur main hoon

Ashk aankhon se behte ja rahe hain Lab-e-harf-e-dua hai aur main hoon

Fiza hai Masjid-e-Nabvi ki dilkash Tajalli ja ba ja hai aur main hoon

Mujhe ranj-o-alam se khauf kyon ho? Teri chahat rida hai aur main hoon

Mujh aasi ki hai kiya auqat yaaro! Charagh-e-iltija hai aur main hoon

Madinah Tayyaba ki haziri ke pehle din, 20 April 2015 ki sham band chhatriyon ke niche dhalti sham ke khubsurat manzar mein kahe gaye ash'aar