Anwar Ka Wufur Hai Jali Ke Uss Taraf

Anwaar ka vufoor hai jali ke us taraf Ek kainat-e-noor hai jali ke us taraf

Siddiq aur Umar hi se poochein ke kis qadar Taskeen hai suroor hai jali ke us taraf

Jee chahta hai chhoo loon ghilaf-e-mazar-e-pak Lekin pahunch se door hai, jali ke us taraf

Yeh aur baat jaane se aajiz hai aadmi Khinchta magar zaroor hai jali ke us taraf

More Lyrics, Less Storage - Install the App and Ditch the Screenshots!

Aati hai ab bhi wadi-e-Aiman se yeh sada Rashk-e-Kaleem-e-Toor hai jali ke us taraf

Jee chahta to hai ke lipat jaaun Mazhari Par turbat-e-Huzoor hai jali ke us taraf