Anwar Ka Wufur Hai Jali Ke Uss Taraf

انوار کا وُفور ہے جالی کے اُس طرف اک کائناتِ نور ہے جالی کے اُس طرف

صدیق اور عمر ہی سے پوچھیں کہ کس قدر تسکین ہے سرور ہے جالی کے اُس طرف

جی چاہتا ہے چھو لوں غلافِ مزارِ پاک لیکن پہنچ سے دور ہے، جالی کے اُس طرف

یہ اور بات جانے سے عاجز ہے آدمی کِھنچتا مگر ضرور ہے جالی کے اس طرف

آتی ہے اب بھی وادیِ ایمن سے یہ صدا رشکِ کلیمِ طور ہے جالی کے اس طرف

جی چاہتا تو ہے کہ لپٹ جاؤں مظہری پر تربتِ حضور ہے جالی کے اس طرف