Allah Ne Pohanchaya

Allah ne pohanchaya Sarkar ke qadmon mein Sad shukr main phir aaya Sarkar ke qadmon mein

Instant Access to Thousands of Lyrics - Tap to Install!

Kuch der salami ko thahraya muwajah par Phir mujh ko adab laya Sarkar ke qadmon mein

Radd kaise bhala ho gi ab koi dua meri Main Rabb ko pukar aaya Sarkar ke qadmon mein

Kuch lamhay huzoori ke paaye to yeh lagta hai Ik umr guzar aaya Sarkar ke qadmon mein

Kuch kehne se pehle hi poori hui har khwahish Jo socha wahi paya Sarkar ke qadmon mein

Mujh jaisa tahi-daman kya nazr ko le jata Ik naat suna aaya Sarkar ke qadmon mein

Sarkar salami ko har saal talab kijiye Yeh arz bhi kar aaya Sarkar ke qadmon mein

Yaad aayi Sabih apni har ek khata mujh ko Amaal pe sharmaya Sarkar ke qadmon mein

Andhere mein bhi ahl-e-dil ujala dekh lete hain Jab aankhein band karte hain Madinah dekh lete hain

Zaroorat kya hai Aaqa ko kahin bhi aane jaane ki Jahan jo dekhna ho hasb-e-mansha dekh lete hain

Khuda hi jaanta hai had hai kya noor-e-Muhammad ﷺ ki Nazar jitni mili jin ko woh utna dekh lete hain

Faqeeri jazb ho jaati hai anwar-e-nabuwwat mein Jahan walay faqat zahir ka jalwa dekh lete hain

Dar-e-Khair-ul-Bashar insaniyat ki aakhri had hai Usi nisbat se qad insaan ka ooncha dekh lete hain

Nazar se ghaib kuch ho to sawal-e-ghaib-dani hai Ana min noor hain ek ek zarra dekh lete hain

Ajab hai shauq rasm-o-rah-e-darbar-e-Shah-e-Bat-ha Yahan kam dekhne walay zyada dekh lete hain