Allah Ne Pohanchaya

اللہ نے پہنچایا سرکار کے قدموں میں صد شکر میں پھر آیا سرکار کے قدموں میں

کچھ دیر سلامی کو ٹھرایا مواجہ پر پھر مجھ کو ادب لایا سرکار کے قدموں میں

رد کیسے بھلا ہو گی اب کوئ دعا میری میں رب کو پکار آیا سرکار کے قدموں میں

کچھ لمحے حضوری کے پاۓ تو یہ لگتا ہے اک عمر گذارآیا سرکار کے قدموں میں

کچھ کہنے سے پہلے ہی پوری ہوئ ہر خواہش جو سوچا وہی پایا سرکار کے قدموں میں

مجھ جیسا تہی داماں کیا نذر کو لے جاتا اک نعت سنا آیا سرکار کے قدموں میں

سرکار سلامی کو ہر سال طلب کیجۓ یہ عرض بھی کر آیا سرکار کے قدموں میں

یاد آئ صبیح اپنی ہر ایک خطا مجھ کو اعمال پہ شرمایا سرکار کے قدموں میں

اندھیرے میں بھی اہل دل اجالادیکھ لیتے ہیں جب آنکھیں بند کرتے ہیں مدینہ دیکھ لیتے ہیں

ضرورت کیا ہے آقا کو کہیں بھی آنے جانے کی جہاں جو دیکھنا ہو حسب منشاء دیکھ لیتے ہیں

خدا ہی جانتا ہے حد ہے کیا نورمحمد ﷺ کی نظر جتنی ملی جن کو وہ اتنا دیکھ لیتے ہیں

فقیری جذب ہو جاتی ہے انوار نبوّت میں جہاں والے فقط ظاہر کا جلوہ دیکھ لیتے ہیں

در خیر البشر انسانیت کی آخری حد ہے اسی نسبت سے قد انساں کا اونچا دیکھ لیتے ہیں

نظر سے غیب کچھ ہو تو سوال غیب دانی ہے اَنا مِن نور ہیں ایک ایک ذرہ دیکھ لیتے ہیں

عجب ہے شوق رسم و راہ دربار شہ بطحیٰ یہاں کم دیکھنے والے زیادہ دیکھ لیتے ہیں