Allah Mujhe Alma e Deen Bna De

Allah! Mujhe alima-e-deen banade Quran ke ahkaam pe bhi mujh ko chalade

Ho jaya kare kaash mujhe jald sabaq yaad Maula tu mera hafiza mazboot banade

Susti ho meri door main uth jaaun sawere Tu dil mera taleem mein Allah lagade

Ho jamia ka mujh se na nuqsaan kabhi bhi Allah! yahan ke mujhe aadaab sukhade

Chutti na karun bhool ke parhne ki kabhi bhi Maula mujhe auqaat ki paaband banade

Offline Lyrics Anytime, Anywhere - Download the App Today!

Ustaani hun maujood ya baahar kahin masroof Aadat tu meri shor machane ki mitade

Khaslat ho shararat ki meri door Ilahi! Sanjeeda banade mujhe sanjeeda banade

Ustaani ki karti rahun har dam mein ita'at Maan baap ki izzat ki bhi taufeeq Khuda de

Kapre mein rakhun saaf tu dil ko mere kar saaf Allah! Madinah mere seene ko banade

Filmon se dramon se ata karde tu nafrat Bas shauq mujhe naat o tilaawat ka Khuda de

Auqaat ke andar hi parhun saari namazein Allah! ibadat mein mere dil ko lagade

Parhti rahun kasrat se durood un pe sada mein Aur zikr ka bhi shauq paye Ghous o Raza de

Sunnat ke mutabiq mein har ek kaam karun kaash Tu paikar-e-sunnat mujhe Allah! banade

Main jhoot na bolun kabhi gaali na nikalun! Allah marz se tu gunahon ke shifade

Main faaltu baaton se rahun door hamesha Chup rehne ka Allah! saleeqa tu sukhade

Akhlaq hun achhe mera kirdaar ho suthra Mehboob ka sadqa tu mujhe nek banade

Ustaani hun maan baap hun Attar bhi ho saath Yun hajj ko chalein aur Madinah bhi dikhade