Aisa Tujhe Khaliq Ne Tarah Daar Banaya

Aisa tujhe khaliq ne tarahdaar banaya Yusuf ko tera talab-e-deedaar banaya

No More Screenshots! Save Storage with Our Lyrics App!

Taleat se zamana ko pur-anwaar banaya Nighat se gali koochon ko gulzaar banaya

Deewaron ko aaina banate hain woh jalwe Aainon ko jin jalwon ne deewar banaya

Kounain banaye gaye Sarkaar ki khatir Kounain ki khatir tumhein Sarkaar banaya

Kunji tumhein di apne khazanon ki Khuda ne Mahboob kiya malik o mukhtaar banaya

Aalam ke sulateen bhikari hain bhikari Sarkaar banaya tumhein Sarkaar banaya

Ae maah-e-Arab, mehr-e-anjum, main tere sadqe Zulmat ne mere din ko shab-e-tar banaya

Unke labb-e-rangeen ki nichhawar thi jis ne Patthar mein hasan la'l-e-pur-anwaar banaya