Ahang e Jahan

Aahang-e-jahan husn-e-tarahdar mein gum hai Kaunain ki azmat teri dastar mein gum hai

Offline Lyrics Anytime, Anywhere - Download the App Today!

Us saltanat-e-ilm ke aasar mein gum hai Dunya to abhi Haider-e-Karrar mein gum hai

Hai Arsh teri qamat-e-zebai ka mazhar Jannat tere qadmon ke chaman-zar mein gum hai

Har din hai teri raah ke zarron ka mujawar Har raat tere gesu-e-khamdar mein gum hai

Hai khulq tere khulq pe angusht-ba-dandan Aur husn tere husn ke mayar mein gum hai

Firdous bhi nikli tere deewanon ki majlis Har aankh yahan bhi tere deedar mein gum hai

Hai arz teri khaak-e-kaf-e-pa se mutahar Aur aalam-e-noori tere anwar mein gum hai

Quran tere ausaf-o-kamalat ki tafseer Aur hamd teri naat ke izhaar mein gum hai

Musa tere meraj ke iazaz pe hairan Aur Toor tere ghar ke asraar mein gum hai

Dunya se kaho aur kisi waqt pe aaye Hassan abhi midhat-e-sarkar ﷺ mein gum hai