Ahang e Jahan

آہنگِ جہاں حُسنِ طرحدار میں گُم ہے کونین کی عظمت تری دستار میں گُم ہے

اُس سلطنتِ علم کے آثار میں گُم ہے دنیا تو ابھی حیدرِ کرار میں گُم ہے

ہے عرش تری قامتِ زیبائی کا مظہر جنت ترے قدموں کے چمن زار میں گُم ہے

ہر دن ہے تری راہ کے ذروں کا مجاور ہر رات ترے گیسوئے خمدار میں گُم ہے

Download Lyrics & Access Offline - Install Our App Now!

ہے خُلق ترے خُلق پہ انگشت بدنداں اور حُسن ترے حُسن کے معیار میں گُم ہے

فردوس بھی نکلی ترے دیوانوں کی مجلس ہر آنکھ یہاں بھی ترے دیدار میں گُم ہے

ہے ارض تری خاکِ کفِ پا سے مطہر اور عالمِ نوری ترے انوار میں گُم ہے

قرآں ترے اوصاف و کمالات کی تفسیر اور حمد تری نعت کے اظہار میں گُم ہے

موسیٰ ترے معراج کے اعجاز پہ حیراں اور طُور ترے غار کے اسرار میں گُم ہے

دُنیا سے کہو اور کسی وقت پہ آئے حؔسان ابھی مدحتِ سرکار ﷺ میں گُم ہے