Ae Naam e Muhammad Sally Ala

Ae naam-e-Muhammad ﷺ salle-ala SubhanAllah SubhanAllah Di jis ne hamare dilon ko jila SubhanAllah SubhanAllah

Quran utha kar dekh zara maloom tujhe ho jaye ga Hai qaul-e-Muhammad ﷺ qaul-e-Khuda SubhanAllah SubhanAllah

Meraj ki shab maloom hua aalam ko teri rif'at ka pata Hai qadmon ke neeche Arsh-e-A'ala SubhanAllah SubhanAllah

Khaliq bhi saath farishton ke khud bhejey duroodon ke tohfey Yeh shaan hai yeh rutba hai tera SubhanAllah SubhanAllah

Offline Lyrics Anytime, Anywhere - Download the App Today!

Hum raat ko shab bhar sote hain ummat ke woh gham mein rote hain Hum jurm karein woh 'afw-o-'ata SubhanAllah SubhanAllah

A'maal na dekhe yeh dekha mehboob ﷺ ke koche ka hai gada Maula ne mujhe yun bakhsh diya SubhanAllah SubhanAllah

Jab main ne sunayi naat-e-Nabi ﷺ sun ho gaya munkir sunte hi Sunni ne suna sun kar yeh kaha SubhanAllah SubhanAllah