Aaqa Huzoor Ayein Ge Aaj Nahi Toh Kal Sahi

Aaqa huzoor aayenge aaj nahin to kal sahi Dil ka suroor paayenge aaj nahin to kal sahi

Jalwah-e roy-e wal-duha noor-e-nazar bane ga Dil apna jagmagayenge aaj nahin to kal sahi

Un ka karam hai chaar sau un ki hai mujh ko justaju Apna mujhe banaayenge aaj nahin to kal sahi

Un ke baghair zindagi maut hai zindagi nahin Dil mein wahi samaayenge aaj nahin to kal sahi

Get Lyrics On-The-Go! Download Our App Now!

Naaton ke phool isi tarah khilte rahe jo raat din Dil ko chaman banaayenge aaj nahin to kal sahi

Aisa bhi ho ga aik din hum apni dastan-e-gham Ja kar unhen sunaayenge aaj nahin to kal sahi

Wabasta kar de ai Riyaz un se Khuda agar hamein

Duniya alag basaaenge aaj nahin to kal sahi