Aap Ki Baat Kiya Ke Hain

Aap ﷺ ki baat kya ke hain dono jahan ke badshah Koun-o-makan hain Aap ﷺ ke, koun-o-makan ke badshah

Aap ﷺ ki zaat-e-pak se dono jahan mein roshni Aap ﷺ yahan ke badshah, Aap ﷺ wahan ke badshah

Pasta qadon ka rukh hua Gumbad-e-Sabz ki taraf Un ki taraf bhi ek nazar sarqadan ke badshah

Offline Lyrics Anytime, Anywhere - Download the App Today!

Karne hain kaise hal hamein hain jo hamare maslay Hum pe bhi yeh bhed khol de nukta-waran ke badshah

Hum ke hain be-bisat log hum kya hamari shan kya Mu'tabari hai Aap ﷺ ki, mu'tabaran ke badshah

Gaon bhi Aap ﷺ ke tamam, shehar bhi Aap ﷺ ke tamam Aap ﷺ ke sab ghulam hain khurd-o-kalan ke badshah

Rehti hai sari kainat Aap ﷺ hi ke hisar mein Aap ﷺ ki har taraf mehak gul-badnan ke badshah

Kis ko pukarte ke hai jaye panah koi aur? Aap ﷺ hain aur sirf Aap ﷺ badshahan ke badshah

Dasht-e-dil-e-Hanif par chhayi hui hai teergi Thori si chandni idhar mah-rukhan ke badshah