Aap Ke Dar Ke Jo Bhi Gada Ho Gaye

Aap ke dar ke jo bhi gada ho gaye Dekhte dekhte kya se kya ho gaye

Phir na bhule Madinah ka woh rasta Apni manzil se jo aashna ho gaye

Rakh diya un ki chowkhat pe sar jis ghari Jitne sajde qaza thay ada ho gaye

Your Lyrics, Even Offline - Install the App for Free!

Sadaqa maanga Nabi se jo Hasnayn ka Un ke lutf o karam be baha ho gaye

Thay mayasar Madinah ke sham o sehar Mere Allah woh waqt kya ho gaye

Phir Madinah ke honay lage tazkire Un ke ashiqin jab ghamzadah ho gaye

Unke dar ke hi tukde hain kaafi unhein Jin ke hajat-rawa Mustafa ho gaye

Un par razi Niaziؔ Khuda ho gaya Jin par razi mere Mustafa ho gaye