Aao Ke Zikr e Hussan

آؤ کہ ذکرِ حسنِ شہِ بحر و بر کریں جلوے بکھیر دیں، شب غم کی سحر کریں

جو حسن میرے پیش نظر ہے اگر اسے جلوے بھی دیکھ لیں تو طواف نظر کریں

وہ چاہیں توصدف کو در بے بہا ملے وہ چاہیں تو خزف کو حریف گہر کریں

Instant Access to Thousands of Lyrics - Tap to Install!

فرمائیں تو طلوع ہو مغرب سے آفتاب چاہیں تو اک اشارے سے شقِ قمر کریں

شعروادب بھی آہ و فغاں بھی ہے ان کا فیض پیشِ حضورؐ اپنی متاع ہنر کریں

اب کے جو قصدِ طیبہ کریں رہبرانِ شوق مظہرؔ کو بھی ضرور شریک سفر کریں