Aao Ik Baar Phir Makkay Ki

آؤ اک بار پھر مکّے کی پُرنور فضاؤں میں چلیں جب بقعۃ نور بنا تھا سارا عالم، یزداں کی ان عطاؤں میں چلیں

پھر چشمِ تصورمیں لائیں اِک بار وہ منظرِ ولادت آقاؐ صاحب قدسیوں کےپہرےاورحوروں کےجھرمٹ میں، نورکی چھاؤں میں چلیں

بادِنسیم کی اٹکھیلیاں دیکھیں آفتاب وماہ تاب کی بے چینی دیکھیں پھیلی ہےچارسوبُوباسِ چمن، مزین تھیں نورنگ سےجواُن راہوں میں چلیں

گلشنِ حبیب کے سبھی پنکھ پکھیرو جلوۃ نور پرتھے کبھی مدحت سرا آؤ اِک بارپھرخوش بخت پرندوں کی چہچہاؤں میں چلیں

توقیرِ آمنہ میں فرش تاعرش فرشتوں نےتان دی تھی نور کی چادر آؤ اِک بار پھرتصور میں پھیلی ہوئی نور کی بانہوں میں چلیں

طلوع فجرایماں کیا ہوئی کہ ٹوٹ گۓ کسریٰ کےمحلات کےمنارےسَبھی آؤ اک بار پھر سے آقاؐ کے مکہ کی گم گشتہ مطہور فضاؤں میں چلیں

نماز پنج گانہ تو سبھی خضوع پڑھتےہیں روزانہ سائیں جو نمازِ عشق اور عبادتِ دیدار رہ گئی ہےسہواً، آؤ قضاؤں میں چلیں

والئیِ بطحا کی آمد تھی کہ خوشبوےجنت سے مہک اُٹھے در و بام سبھی آؤ اک بار پھرسے بطحا کی عنبر آگیں ہواؤں میں چلیں

اندھیرےچَھٹ گۓ سارے، بجھ گیا آتش کدۃ فارس، ضوفشانی ہوگی شفقتؔ آؤ اک بار پھر سے مسحورموسم کی مست اداؤں میں چلیں