Ya Ghous Bulao Mujhe

Ya Ghaus! bulao mujhe Baghdad bulao Baghdad bula kar mujhe jalwa bhi dikhao

Duniya ki mohabbat se meri jaan churao Deewana mujhe Shah-e-Madinah ka banao

Chamka do sitara meri taqdeer ka murshid! Madfan ko Madine mein jagah mujh ko dilao

Naiya meri manjhdhar mein sarkar! phansi hai Imdad ko aao! meri imdad ko aao

More Lyrics, Less Storage - Install the App and Ditch the Screenshots!

Hasnain ke sadqe hon meri mushkilain aasaan Aafaat-o-baliyaat se Ya Ghaus! bachao

Ya Peer! main isyaan ke talatum mein phansa hoon Lillah gunahon ki tabahi se bachao

Achhon ke khareedar to har ja pe hain murshid! Badkar kahan jayen jo tum bhi na nibhao

Ahkaam-e-shariat rahen malhooz hamesha Murshid! mujhe sunnat ka bhi paband banao

Attar jahanam se bahut khauf zada hai Ya Ghaus! ise daaman-e-rehmat mein chupao