Ya Ali Al Murtaza Moula Ali

Ya Ali-ul-Murtaza Maula Ali Mushkil-Kusha Aap hain Sher-e-Khuda Maula Ali Mushkil-Kusha

Sahib-e-lutf-o-ata Maula Ali Mushkil-Kusha Hain shaheed-e-ba-wafa Maula Ali Mushkil-Kusha

Ilm ka main shehar hoon darwaza is ka hain Ali Hai yeh qaul-e-Mustafa Maula Ali Mushkil-Kusha

Never Be Without Your Favorite Lyrics - Get the App for Offline Access!

Jis kisi ka main hoon Maula us ke Maula hain Ali Hai yeh qaul-e-Mustafa Maula Ali Mushkil-Kusha

Paikar-e-khauf-e-Khuda ae aashiq-e-Khair-ul-Wara Tum se raazi Kibriya Maula Ali Mushkil-Kusha

Baad-e-Khulafa-e-Salasa sab Sahaba se bada Aap ko rutba mila Maula Ali Mushkil-Kusha

Qala-e-Khaibar ka darwaza ukhada aap ne Marhaba! Sad marhaba! Maula Ali Mushkil-Kusha

Paikar-e-jood-o-sakha tu main faqeer-o-be-nawa Tu hai data main gada Maula Ali Mushkil-Kusha

Shabbar-o-Shabbir ke walid ho tum maan Fatimah Sayyid-o-sardar-e-ma Maula Ali Mushkil-Kusha

Main gunahon ka mareez aur aap hain mere tabeeb Deejiye mujh ko shifa Maula Ali Mushkil-Kusha

Jaan ko khatra hai meri dushmanon se har ghadi Al-madad Sher-e-Khuda Maula Ali Mushkil-Kusha

Haidar-e-Karrar! le ke aao tegh-e-Zulfiqar Zor-e-dushman badh chala Maula Ali Mushkil-Kusha

Maghfirat karwaiye jannat mein le ke jaiye Wasta Hasnain ka Maula Ali Mushkil-Kusha

Dil se duniya ki mohabbat door kar ke Ya Ali! De do ishq-e-Mustafa Maula Ali Mushkil-Kusha

Az paye Ghous-ul-Wara hum ko Najaf bulwaiye Ho karam Ya Murtaza Maula Ali Mushkil-Kusha

Shabbar-o-Shabbir ke baba mujhe deedar ho Khwab mein ab aapka Maula Ali Mushkil-Kusha

Ashkbaar aankhein ata hoon dil ki sakhti door ho Deejiye khauf-e-Khuda Maula Ali Mushkil-Kusha

Ek zarra apni ulfat ka inayat kar mujhe Apna deewana bana Maula Ali Mushkil-Kusha

Bheek lene ke liye darbar mein mangta tera Le ke kashkol aa gaya Maula Ali Mushkil-Kusha

Kyun phirun dar dar bhala khairat lene ke liye Main faqat mangta tera Maula Ali Mushkil-Kusha

Nafs-e-Ammara ho maghloob aur sada nakaam ho Waar har shaitan ka Maula Ali Mushkil-Kusha

Be-sabab bakhshish ho meri yeh dua farmaiye Mustafa ka wasta Maula Ali Mushkil-Kusha

Keejiye Haq se dua imaan par ho khatima Khair se Attar ka Maula Ali Mushkil-Kusha