Sultan e Karbala Ko Humara Slaam Ho

Sultan-e-Karbala ko hamara salam ho Janan-e-Mustafa ko hamara salam ho

Abbas-e-namdar hain zakhmon se choor choor Us paikar-e-raza ko hamara salam ho

Akbar se naujawan bhi ran mein hue shaheed Ham-shakl-e-Mustafa ko hamara salam ho

Bhai, bhatije, bhanje sab ho gaye nisar Har la'l-e-be-baha ko hamara salam ho

Asghar ki nanhi jaan pe lakhon durood hon Mazloom-e-be-khata ko hamara salam ho

Ho kar shaheed qoum ki kashti tara gaye Ummat ke nakhuda ko hamara salam ho

No More Screenshots! Save Storage with Our Lyrics App!

Nasir wilaye shaam mein kehta hai baar baar Mehman-e-Karbala ko hamara salam ho