Naqab Apne Rukh Se

Niqab apne rukh se utha Ghous-e-Azam Mujhe apna jalwah dikha Ghous-e-Azam

Mujhe aisa shaida bana Ghous-e-Azam Ke ho jaaun tujh par fida Ghous-e-Azam

Mere peer-e-roshan zameer aap ko toh Mere haal ka hai pata Ghous-e-Azam

Tumhare hain jitne mureed un sabhi mein Bura hoon, bana do bhala Ghous-e-Azam

Baroz-e-qiyamat hamein apne jhande Tale deejiye ga jagah Ghous-e-Azam

Jo bimariyon mein ghire hain unhein tum Dilado Khuda se shifa Ghous-e-Azam

Mureedeen ko jo satate hain jinnat Khudara unhein do bhaga Ghous-e-Azam

Nazar se ya jadu se jo hain pareshan Ho un par bhi chashm-e-ata Ghous-e-Azam

Kaleja shayateen ka tharra uthe ga Pukaro sabhi mil ke Ya Ghous-e-Azam

Sajayein imama barhayein jo darhi Unhein hashr mein bakhshwa Ghous-e-Azam

Woh behnein jo pehnein sada ''Madani burqa'' Unhein hashr mein bakhshwa Ghous-e-Azam

Jo hain waqf, sunnat ki khidmat ki khatir Unhein hashr mein bakhshwa Ghous-e-Azam

Jo rozana dete hain neki ki dawat Unhein hashr mein bakhshwa Ghous-e-Azam

Safar qafile mein jo karte hain har mah Unhein hashr mein bakhshwa Ghous-e-Azam

Jo dein rah-e-Maula mein barah mahine Unhein hashr mein bakhshwa Ghous-e-Azam

Jo apnate hain ''Madani inaam'' aksar Unhein hashr mein bakhshwa Ghous-e-Azam

No More Screenshots! Save Storage with Our Lyrics App!

Dam-e-naz’a pani utarta nahi hai Pila sharbat-e-deed Ya Ghous-e-Azam

Hai Attar ko salb-e-imaan ka dharka Bacha is ka imaan bacha Ghous-e-Azam