Mustafa Ka Woh Ladla Pyara

Mustafa ka woh laadla pyara Waah kya baat Aala Hazrat ki

Ghaus-e-Azam ki aankh ka taara Waah kya baat Aala Hazrat ki

Sunniyon ke dilon mein jis ne thi Shama-e-ishq-e-Rasool roshan ki

Woh Habib-e-Khuda ka deewana Waah kya baat Aala Hazrat ki

Allah Allah tabahhur-e-ilmi Ab bhi baqi hai khidmat-e-qalmi

Ahl-e-Sunnat ka hai jo sarmaya Waah kya baat Aala Hazrat ki

Ilm-o-irfan ka jo ke saagar tha Khair se hafiza qawi-tar tha

Haq pe mabni tha jis ka har fatwa Waah kya baat Aala Hazrat ki

Us ki hasti mein tha amal jauhar Sunnat-e-Mustafa ka woh paikar Aalim-e-Deen, sahib-e-taqwa Waah kya baat Aala Hazrat ki

Jis ne dekha unhein aqeedat se Qalb ki aankh se mohabbat se Marhaba marhaba pukaar utha Waah kya baat Aala Hazrat ki

Sunnaton ko jila diya jis ne Deen ka danka baja diya jis ne Woh Mujaddid hai Deen-o-Millat ka Waah kya baat Aala Hazrat ki

Your Lyrics, Even Offline - Install the App for Free!

Jo hai Allah ka wali beshak Aashiq-e-sadiq-e-Nabi beshak Ghaus-e-Azam ka jo hai matwala Waah kya baat Aala Hazrat ki

Jis ne ihaqaq-e-haq kiya khul kar Radd-e-baatil kiya sada khul kar Jo kisi se kabhi na ghabraya Waah kya baat Aala Hazrat ki

Sun lo kilk-e-Raza hai woh khanjar Aaj bhi jis se larzan ahl-e-sharr Bol bala hai ahl-e-Sunnat ka Waah kya baat Aala Hazrat ki

Phir Bareilly Shareef jaaun main Barkatein Murshidi ki paaun mein Kar loon roze ka khoob nazzara Waah kya baat Aala Hazrat ki

Maula bahr-e-’’Hadaaiq-e-Bakhshish‘‘ Bakhsh Attar ko bila pursish Khuld mein kehta kehta jaaye ga Waah kya baat Aala Hazrat ki