Mehboob Tu Zaat Khuda Ka

Mehboob tu zaat-e-Khuda ka hai, Ya Khwaja Moinuddin Chishti ؒ Kya shaan teri kya rutba hai, Ya Khwaja Moinuddin Chishti ؒ

Tu noor ka ik minara hai, Ya Khwaja Moinuddin Chishti ؒ Tu Qibla hai, tu Kaaba hai, Ya Khwaja Moinuddin Chishti ؒ

Hai tera tasawwur shaam-o-sahar, aur zikr tera aathon pehar Kya khwab tera rukh-e-zeba hai, Ya Khwaja Moinuddin Chishti ؒ

No More Screenshots! Save Storage with Our Lyrics App!

Ik chashm-e-zadan mein gar chahe, naqis ko bana de tu kamil Duniya ne yeh manzar dekha hai, Ya Khwaja Moinuddin Chishti ؒ

Tu rahbar-e-duniya-o-deen, tu bazm-e-huda ka sadr-nasheen Aafaq mein tera charcha hai, Ya Khwaja Moinuddin Chishti ؒ

Shaadan hai Moinul Haq is par ikram tere hain subh-o-masa Main tera hoon tu mera hai, Ya Khwaja Moinuddin Chishti ؒ