Mazhar e Azmat e Ghafar Hain

Mazhar-e-azmat-e-Ghaffar hain Ghous-e-Azam Mazhar-e-rifat-e-Jabbar hain Ghous-e-Azam

Waqif-e-hikmat-o-asrar hain Ghous-e-Azam Dil ke bhedon se khabardar hain Ghous-e-Azam

Naib-e-Ahmad-e-Mukhtar hain Ghous-e-Azam Aur sab waliyon ke sardar hain Ghous-e-Azam

Gar faqat aap ke akhyar hain Ghous-e-Azam Woh kahan jayen jo badkar hain Ghous-e-Azam

Mere murshid meri sarkar hain Ghous-e-Azam Mere rahbar mere ghamkhar hain Ghous-e-Azam

Na mukhalif faqat aghyar hain Ghous-e-Azam Dost bhi de rahe aazar hain Ghous-e-Azam

Hashr tak gayenge hum geet tumhare murshid Hum tumhare jo namak-khar hain Ghous-e-Azam

Doodh maa ka na piya aap ne Ramzano mein Aap bachpan se samajhdar hain Ghous-e-Azam

Tum ne murdon ko jalaya hai hamare dil bhi Kar do zinda ke ye murdar hain Ghous-e-Azam

Munh lagata nahin duniya mein jise koi bhi Bil-yaqeen us ke tarafdar hain Ghous-e-Azam

Khote sikke jahan chal jaate hain woh hai Baghdad Waan nikammon ke kharidar hain Ghous-e-Azam

Maal-o-daulat ki talab hum ko nahin hai murshid Hum faqat tere talabgar hain Ghous-e-Azam

Raah bhoola, mujhe Ya Ghous! sahara de do Thak gaya paaon bhi afgar hain Ghous-e-Azam

Shah-e-Baghdad idhar bhi zara chashm-e-rehmat Hum balaon mein giraftar hain Ghous-e-Azam

Chaar janib se gunahon ne hamen ghera hai Tere hote hue kyon khwar hain Ghous-e-Azam

Ab dua ke liye haath apne utha do murshid! Pal mein is paar se us paar hain Ghous-e-Azam

Ab utha bhi do niqab apne rukh-e-anwar se Kab se hum talib-e-deedar hain Ghous-e-Azam

Ho karam! husn-e-amal aah! nahin hai koi Na wazaif hain na azkar hain Ghous-e-Azam

Hashr ke roz hamari bhi shafa'at karna Aah! hum sakht gunahgar hain Ghous-e-Azam

Get Lyrics On-The-Go! Download Our App Now!

Apne Attar ko chumkar ke dije tukra Dar pe hazir hue Attar hain Ghous-e-Azam