Main Toh Panjtan Ka Ghulam Hun

Main toh Panjetan ka ghulam hoon Main mureed-e-Khair-ul-Anaam hoon

Mujhe ishq sarv-e-saman se hai Mujhe ishq saaray chaman se hai Mujhe ishq un ki gali se hai Mujhe ishq un ke watan se hai Mujhe ishq hai toh Ali ؑ se hai Mujhe ishq hai toh Hasan ؑ se hai Mujhe ishq hai toh Hussain ؑ se Mujhe ishq Shah-e-Zaman se hai

Mera she'r kya mera zikr kya Meri baat kya meri fikr kya Meri baat un ke sabab se hai Mera she'r un ke adab se hai Mera zikr un ke tufail se

Meri fikr un ke tufail se Kahan mujh mein itni sakat bhala Ke ho manqabat ka bhi haq ada Hua kaise tan se woh sar juda Jahan ishq ho wahin Karbala Meri baat un hi ki baat hai Mere saamne wahi zaat hai Wahi jin ko Sher-e-Khuda kahein Jinhein Baab-e-Sall-e-Ala kahein Wahi jin ko Aal-e-Nabi kahein Wahi jin ko zaat-e-Ali ؑ kahein Wahi pukhta hain main toh khaam hoon Main toh Panjetan ka ghulam hoon

Mujhe ishq hai toh Khuda se hai Mujhe ishq hai toh Rasool ﷺ se Yeh karam hai hub-e-Batool ka Mere munh se aaye mehak sada Jo main naam loon tera jhoom ke Main toh Panjetan ka ghulam hoon

Find Your Favorite Lyrics Anytime, Anywhere - Install the App Today!

Main Qamar hoon saghar-e-benawa Meri haisiyat hi bhala hai kya Woh hain baadshahon ke baadshah Main hoon un ke dar ka adna guda Mera nisbaton ka hai silsila Mera Panjetan se hai wasta