Kyun Na Ho Mehav Tajjali Par

Kyun na ho mehv-e-tajalli har bashar Baghdad mein Hai Rasool-Allah ﷺ ka noor-e-nazar Baghdad mein

Download Lyrics & Access Offline - Install Our App Now!

Sar jhukaye phir rahe hote hain aqtab-e-jahan Kis ki shakhsiyat ka hai aisa asar Baghdad mein

Ja ke un ke paas phir bhi dhoondte rehna unhein Ek safar Baghdad tak hai ek safar Baghdad mein

Neelgoon gumbad mein jalwe Gumbad-e-Khizra ke hain Kar Madine ka nazara baith kar Baghdad mein

Khoob meethi neend sooon main bhi subh-e-hashr tak Zindagi ki shaam ho jaye agar Baghdad mein

Apni apni haziri lagwa raha hai subh-o-shaam Muqtadir ke hukm se har muqtadar Baghdad mein

Laghzishon se aadmi mehfooz to koi nahi Is liye kijiye qayam-e-mukhtasar Baghdad mein

Ghaus-e-Azam ؒ ke to Jami do hi ghar mashhoor hain Ek ghar hai Golrhe mein ek ghar Baghdad mein