Kis Zuban Se Ho Bayan

Kis zabaan se ho bayaan madh-o-shaan-e-Ahl-e-Bait Madh-go-e-Mustafa hai madh-khwaan-e-Ahl-e-Bait

No More Screenshots! Save Storage with Our Lyrics App!

Un ki paaki ka Khuda-e-pak karta hai bayaan Aayah-e-Tat-heer se zahir hai shaan-e-Ahl-e-Bait

Be-ijazat un ke ghar Jibreel bhi aate nahin Qadr wale jaante hain qadr-o-shaan-e-Ahl-e-Bait

Razm ka maidaan bana hai jalwa-gah-e-husn-o-ishq Karbala mein ho raha hai imtihaan-e-Ahl-e-Bait

Kis maze ki lazzatein hain aab-e-tegh-e-yaar mein Khaak-o-khoon mein laut-te hain tishnagaan-e-Ahl-e-Bait

Ghar lutaana sar kataana koi tujh se seekh le Jaan-e-aalam ho fida ae khandaan-e-Ahl-e-Bait

Ahl-e-Bait-e-pak se gustaakhiyaan be-baakiyaan La'natullahi 'alaikum dushmanaane-Ahl-e-Bait

Be-adab gustaakh logon ko bata de ae Hasanؔ Yun kaha karte hain Sunni daastaan-e-Ahl-e-Bait