Kis Zuban Se Ho Bayan

کس زباں سے ہو بیاں مدح وشانِ اہلِ بیت مدح گوۓ مصطفیٰ ہے مدح خوانِ اہلِ بیت

ان کی پاکی کا خداۓ پاک کرتا ہے بیاں آیَہ تَطٗھِیرٗ سے ظاہر ہے شانِ اہلِ بیت

بے اجزت اُن کے گھر جبریل بھی آتے نہیں قدر والے جانتے ہیں قدروشانِ اہلِ بیت

رزم کا میداں بنا ہے جلوہ گاہِ حسن وعشق کربلا میں ہو رہا ہے امتحانِ اہل بیت

کِس مزے کے لذتیں ہیں آبِ تیغ یار میں خاک و خوں میں لَوٹتے ہیں تشنگانِ اہل بیت

گھر لُٹانا سر کٹانا کوئی تجھ سے سیکھ لے جانِ عالم ہو فدا اے خاندانِ اہلِ بیت

اہل بیت پاک سے گستاخیاں بے باکیاں لَعنَۃُ اللہِ عَلَیکُم دشمنانِ اہلِ بیت

بے ادب گستاخ لوگوں کو بتا دے اے حسنؔ یوں کہا کرتے ہیں سُنی داستانِ اہلِ بیت