Hussain Dunya Mein Aa Rahe Hain

Hussain duniya mein aa rahe hain Hussain duniya mein aa rahe hain

Khila hai chehra Hussainiyon ka Hussain duniya mein aa rahe hain

Naseeb-e-ahl-e-wala banega Khushi mein baab-e-ata khulega Jo aaj mango ge woh milega Yeh aane wala ata karega

Khule ga rehmat ka har khazana Hussain duniya mein aa rahe hain

Jinaan ki khushbu mehak rahi hai Zameen arsh-e-ula bani hai Gulon ke rukh par bhi taazgi hai Sitaare qurbaan woh roshni hai

Hawa munawwar jahan saara Hussain duniya mein aa rahe hain

Tamaam aalam ki jaan ban kar Khuda-e-bartar ki shaan ban kar Kitaab-e-haq ki zabaan ban kar Nubuwwaton ki amaan ban kar

Sahara ban ke Khuda ke deen ka Hussain duniya mein aa rahe hain

Batoolؐ masroor khush Hasanؑ hai Aliؑ ka chehra bhi zaufagan hai Sana-e-Rabb mein Shah-e-Zamanؐ hai Jahan mein takmeel-e-Panjetan hai

Khuda ka poora hua irada Hussain duniya mein aa rahe hain

Hai baal-o-par ki use zaroorat Hai uski gham se ajeeb halat Woh dekhle ab hai kya sakhavat Ke josh par hai Khuda ki rehmat

Jo maange Futrus use milega Hussain duniya mein aa rahe hain

Woh chand sooraj ho ya sitaare Ho phool kaliyan nadi ke dhaare Shajar hajar ho ya koh saare Khushi manate hain sab nazaare

More Lyrics, Less Storage - Install the App and Ditch the Screenshots!

Qaseeda parhta hai zarra zarra Hussain duniya mein aa rahe hain

Ke haq ka chehra nihaal hoga Tabaah baatil ka haal hoga Har ek zarra bahaal hoga Jahan mein Mohsin Kamaalؔ hoga

Salami dega har ek zamana Hussain duniya mein aa rahe hain