Hussain Dunya Mein Aa Rahe Hain

حسین دنیا میں آرہے ہیں حسین دنیا میں آرہے ہیں

کِھلا ہے چہرہ حسینیوں کا حسین دنیا میں آرہے ہیں

نصیبِ اہلِ والا بنے گا خوشی میں بابِ عطا کُھلے گا جو آج مانگو گے وہ ملے گا یہ آنے والا عطا کرے گا

کھلے گا رحمت کا ہر خزانہ حسین دنیا میں آرہے ہیں

جناں کی خوشبو مہک رہی ہے زمین عرشِ عُلیٰ بنی ہے گلوں کے رخ پر بھی تازگی ہے ستارے قرباں وہ روشنی ہے

ہوا منور جہان سارا حسین دنیا میں آرہے ہیں

تمام عالم کی جان بن کر خداۓ برتر کی شان بن کر کتابِ حق کی زبان بن کر نبّوتوں کی امان بن کر

سہارا بن کے خدا کے دیں کا حسین دنیا میں آرہے ہیں

بتولؐ مسرور خوش حسنؑ ہے علیؑ کا چہرہ بھی ضوفگن ہے ثناۓرب میں شہہِ زمنؐ ہے جہاں میں تکمیلِ پنجتن ہے

خدا کا پورا ہوا ارادہ حسین دنیا میں آرہے ہیں

ہے بال و پر کی اسے ضرورت ہے اسکی غم سے ؑجیب حالت وہ دیکھلے اب ہے کیا سخاوت کہ جوش پر ہے خدا کی رحمت

جو مانگے فطرس اسے ملیگا حسین دنیا میں آرہے ہیں

وہ چاند سورج ہو یا ستارے ہو پھول کلیاں ندی کے دھارے شجر حجر ہو یا کوہ سارے خوشی مناتے ہیں سب نظارے

قصیدہ پڑھتا ہے ذرہ ذرہ حسین دنیا میں آرہے ہیں

کہ حق کا چہرہ نہال ہوگا تباہ باطل کا حال ہوگا ہر ایک ذرہ بحال ہوگا جہاں میں محسن کمالؔ ہوگا

سلامی دے گا ہر اک زمانہ حسین دنیا میں آرہے ہیں