Chand Jab Mah e Shabaan

Chand jab mah-e-Shaban ka dekhna Us pe likhi hui Karbala dekhna

Chahte ho jo arsh-e-ala dekhna Ik nazar janib-e-Karb-o-Bala dekhna

Jane do bole Shabbir ؑ Abbas ؑ se Subh-e-Ashoor Hur ؑ aayega dekhna

Anbiya bole aapas mein Fizzah ؑ hain khush Ab milega naya mo'jaza dekhna

More Lyrics, Less Storage - Install the App and Ditch the Screenshots!

Kaise Kaaba banaya Ibrahim ؑ ne Shah ؐ ka bante hue ta'ziya dekhna

Dekha leta hai chaudah ki janib Khuda Chahta hai woh jab aaina dekhna

Gar samajhna hai Zainab ؑ ka ehsan hai kya Apni beti ke sar pe rida dekhna

Pharpharata hai zikr-e-Ali ؑ par bohat Kaun walid hai is ka zara dekhna

Bole Abbas ؑ dekha hai Aabis ne jo Is ko Musa ki aankhon ne kya dekha

Bas Asad ؔ zikr kar un ki aulad ka Mustafa ؐ denge tujh ko jaza dekhna