Chand Jab Mah e Shabaan

چاند جب ماہِ شعبان کا دیکھنا اُس پہ لکھی ہوئی کربلا دیکھنا

چاہتے ہو جو عرشِ عَلا دیکھنا اک نظر جانبِ کربلا دیکھنا

جانے دو بولے شبیرؑ عباسؑ سے صبح عاشور حُرؑ آۓ گا دیکھنا

انبیاء بولے آپس میں فضہؑ ہیں خوش اب ملے گا نیا معجزہ دیکھنا

کیسے کعبہ بنایا ابراھیمؑ نے شہؐ کا بنتے ہوۓ تعزیہ دیکھنا

دیکھا لیتا ہے چودہ کی جانب خدا چاہتا ہے وہ جب آئینہ دیکھنا

No Internet? No Problem! Get the App for Offline Lyrics!

گر سمجھنا ہے زینبؑ کا احساں ہے کیا اپنی بیٹی کے سر پہ ردا دیکھنا

پھڑپھڑاتا ہے ذکر علیؑ پر بہت کون والد ہے اس کا ذرا دیکھنا

بولے عباسؑ دیکھا ہے عابس نے جو اس کو موسیٰ کی آنکھوں نے کیا دیکھا

بس اسدؔ ذکر کر ان کی اولاد کا مصطفیٰ دیں گے تجھ کو جزا دیکھنا