Bistar Pe Nabi Jis Ko Sula De

Bistar pe Nabi jis ko sula de woh Ali hai Maula jisay har ek ka bana de woh Ali hai

Hoti ho qaza-e-asar to angusht-e-Payambar Jis ke liye sooraj ko luta de woh Ali hai

Sarkar ke baad aur kiya kis ne yeh dawa Sail ko jo har baat bata de woh Ali hai

Is chehre ki tauqeer bayan kya ho ke jis ko Takna bhi ibadat ka maza de woh Ali hai

Why Screenshot When You Can Download? Get the App for Efficient Storage!

Talwar uthaye huay maidan mein aa kar Jo shan-e-shujaat ki barha de woh Ali hai

Qatil ko kabhi pesh kiya jaam kisi ne Jo dushman-e-jaan ko bhi dua de woh Ali hai

Baaton mein nahan jis ke asrar-e-Payambar Jo ilm-o-tauqeer barha de woh Ali hai

De mangne wale ko talab se bhi zyada Sarwar jo gadagar ko bana de woh Ali hai