Aziz Tar Mujhe Rakhta Hai

Aziz-tar mujhe rakhta hai woh rag-e-jaan se Yeh baat sach hai mera baap kam nahin maa se

Woh maa ke kehne pe kuch roab mujh pe rakhta hai Yahi hai wajah mujhe choomte jhijhakta hai

Woh aashna mere har karb se rahe har dam Jo khul ke ro nahin paata magar sisakta hai

Judi hai uski har ek haan faqat meri haan se Yeh baat sach hai mera baap kam nahin maa se

Har ek dard woh chup chaap khud pe sehta hai Tamaam umr woh apno se kat ke rehta hai

Woh laut-ta hai kahin raat der ko din bhar Wajood uska paseene mein dhal ke behta hai

Gile hain phir bhi mujhe aise chaak daaman se Yeh baat sach hai mera baap kam nahin maa se

Purana suit pehnta hai kam woh khaata hai Magar khilone mere sab khareed laata hai

Woh mujh ko soye hue dekhta hai jee bhar ke Na jaane soch ke kya kya woh muskuraata hai

Why Screenshot When You Can Download? Get the App for Efficient Storage!

Mere baghair hain sab khwab uske veeran se Yeh baat sach hai mera baap kam nahin maa se