Allah Ehl e Bait Peghambar

Allah, Ahl-e-Bait-e-Payambar ﷺ ke saath hai Islam ka waqar isi ghar ke saath hai

Aal-e-Nabi ﷺ ko zaat-e-Nabi ﷺ se juda na maan Har mauj ka wajood samundar ke saath hai

Kis par khule ga ma'arka-e-Karbala ka raaz Yeh woh muamala hai, jo Dawar ke saath hai

Sach much ho dil mein gham to phir hoti hai aankh nam Ashkon ka silsila dil-e-muztar ke saath hai

Us zaat-e-pak ka hoon dil-o-jaan se main ghulam Da'wa ghalat nahi hai magar dar ke saath hai

No More Screenshots! Save Storage with Our Lyrics App!

Bhejun Yazeediyat pe na kyun la'nat ae Naseer Yeh dushmani hai aur mere ghar ke saath hai