Ya Rab e Muhammad Meri Taqdeer Jaga De
Qari Waheed Zafar Qasmi
Ya Rabb-e-Muhammad ﷺ meri taqdeer jaga de Sahra-e-Madinah mujhe aankhon se dikha de
Peecha mera dunya ki mohabbat se chura de Ya Rabb! mujhe deewanah Madine ka bana de
Rota hua jis dam main dar-e-yaar pe pahunchun Us waqt mujhe jalwa-e-Mehboob ﷺ dikha de
Dil ishq-e-Muhammad ﷺ mein tarapta rahe hardam Seene ko Madinah mere Allah! bana de
Behti rahe har waqt jo Sarkar ﷺ ke gham mein Roti hui woh aankh mujhe mere Khuda de
Imaan pe de maut Madine ki gali mein Madfan mera Mehboob ﷺ ke qadmon mein bana de
Deta hoon tujhe wasta main pyare Nabi ﷺ ka Ummat ko Khudaya raah-e-sunnat pe chala de
No More Screenshots! Save Storage with Our Lyrics App!
Allah! mile Hajj ki isi saal sa'adat Hum sab ko tu Rauda-e-Mehboob ﷺ dikha de
Attar se Mehboob ﷺ ki sunnat ki le khidmat Danka yeh tere deen ka dunya mein baja de
© 2026 Midhah Lyrics. All rights reserved