Ya Rab e Muhamad

Ya Rabb-e-Muhammad miri taqdeer jagade Sahra-e-Madinah mujhe aankhon se dikhade

Offline Lyrics Anytime, Anywhere - Download the App Today!

Peecha mira dunya ki mohabbat se chhudade Ya Rabb mujhe deewana Madine ka banade

Rota hua jis waqt main darbar mein pahunchun Us waqt mujhe jalwa-e-mehboob dikhade

Dil ishq-e-Muhammad mein tarapta rahe hardam Seene ko Madinah mire Allah banade

Behti rahe aksar Shah-e-Abrar ke gham mein Roti hui woh aankh mujhe mere Khuda de

Imaan pe de maut Madine ki gali mein Madfan mira mehboob ke qadmon mein banade

Allah karam itna gunahgar pe farma Jannat mein padosi mire Aaqa ka banade

Deta hoon tujhe wasta main pyare Nabi ka Ummat ko Khudaya rah-e-sunnat pe chalade

Allah mile hajj ki isi saal sa'adat Badkar ko phir rauza-e-mehboob dikhade

Attar se mehboob ki sunnat ki le khidmat Danka yeh tire deen ka dunya mein bajade