Ya Allah Meri Jholi Bhar De

Ya Allah Ya Rahman Ya Hannan Ya Mannan Pyara pyara Ka'bah dikha de Ya Allah! meri jholi bhar de

Your Lyrics, Even Offline - Install the App for Free!

Wasta nabiyon ke sarwar ka Wasta Siddiq-o-Umar ka Wasta Usman-o-Haidar ka Ya Allah! meri jholi bhar de

Maula! mujh ko nek bana de Apni ulfat dil mein basa de Bakhsh de bakhshe huon ka sadqa Ya Allah! meri jholi bhar de

Naar-e-Jahannam se tu aman de Khuld-e-bareen de bagh-e-jinan de Wasta pyare Ghous-e-Azam ka Ya Allah! meri jholi bhar de

Wasta Shah-e-jood-o-sakha ka Wasta Shah-e-Karbo-Bala ka Ashab-e-Nabi aulad-e-Ali ka Ya Allah! meri jholi bhar de

Behr-e-Kausar-o-behr-e-Zam Zam Kar de karam aye Rabb-e-Akram Hashr ki pyaas se hum ko bachana Ya Allah! meri jholi bhar de

Hazir dar hoon main dukhiyara Ranj-o-museebat ka hoon maara Ya Rabb de de mujh ko sahara Ya Allah! meri jholi bhar de

Bakhsh de meri saari khatayen Khol de mujh par apni atayen Barsa de rehmat ki barkha Ya Allah! meri jholi bhar de

Jitne bhai aaye hue hain Daman ye phailaye hue hain Khali in mein koi na jaaye Ya Allah! meri jholi bhar de

Neki ki dawat aam ho jaaye Dawat-e-Islami ki dhoom mach jaaye Hazir hoon hum har ijtima mein Ya Allah! meri jholi bhar de