Ya Allah Meri Jholi Bhar De

یا اللہ یا رحمٰن یا حنان یا منان پیارا پیارا کعبہ دکھا دے یا اللہ! میری جھولی بھر دے

واسطہ نبیوں کے سرور کا واسطہ صدیق و عمر کا واسطہ عثمان و حیدر کا یا اللہ! میری جھولی بھر دے

مولیٰ ! مجھ کو نیک بنا دے اپنی الفت دل میں بسا دے بخش دے بخشے ہوؤں کا صدقہ یا اللہ! میری جھولی بھر دے

نارِ جہنم سے تو اماں دے خلد بریں دے باغ جناں دے واسطہ پیارے غوث اعظم کا یا اللہ! میری جھولی بھر دے

واسطہ شاہ جود و سخا کا واسطہ شاہِ کربو بلا کا اصحابِ نبی اولاد علی کا یا اللہ! میری جھولی بھر دے

بہرِکوثر و بئرِ زم زم کردے کرم اے رب اکرم حشر کی پیاس سے ہم کو بچانا یا اللہ! میری جھولی بھر دے

حاضر در ہوں میں دکھیارا رنج و مصیبت کا ہوں مارا یا رب دے دے مجھ کو سہارا یا اللہ! میری جھولی بھر دے

بخش دے میری ساری خطائیں کھول دے مجھ پر اپنی عطائیں برسا دے رحمت کی برکھا یا اللہ! میری جھولی بھر دے

جتنے بھائی آۓ ہوۓ ہیں دامن یہ پھیلاۓ ہوۓ ہیں خالی ان میں کوئی نہ جاۓ یا اللہ! میری جھولی بھر دے

نیکی کی دعوت عام ہو جاۓ دعوتِ اسلامی کی دھوم مچ جاۓ حاضر ہوں ہم ہر اجتماع میں یا اللہ! میری جھولی بھر دے