Tujh Se Kya Mukhfi Mere Parwardigar

Tujh se kya makhfi mere Parwardigar Hai meri yeh pesh-e-guftar aitizar

Nazr karne ke liye tere hazoor Kuch nahin laya tera midhat-guzar

Hai khas-o-khashak ka anbar yeh Tere shayan kuch nahin ae Kardgar

Mere qeht-e-fikr ka tujh ko hai ilm? Meri kam-koshi hai tujh par aashkar

Jo ghazal se bach rahi thi ahliyat Us pe kya? sa'i-e-sana ka inhesar

Soorat-e-ghirbal yeh chhalni haroof Kya sambhalein teri mauj-e-noor-bar

Hai ayan aashuftagi mafhoom ki Tarz se zahir hai lafzon ka fishar

Teri midhat ke liye teera jabeen Kilk hai roshan waraq se sharmsar

Ho rah-e-izhar mein yeh surkhroo Manzil-e-midhat mein ho yeh kamgar

Bakhsh mujh be-barg kar tu ghaib se Lahn-e-noor afroz-o-kilk-e-zar nigar

Khak se ho kya teri hamd-o-sana Abd se kiye ho wasf-e-Kardgar

Hai qalam chup hasrat-e-izhar se Sada safha hai tassuf dar-kinar

Umr hai be-rang be-bunyad aks Be-natija, be-haqiqat, be-madar

Zindagi ke muntashir anjam par Kya kare khas-tab' yeh ghaflat-sha'ar

Kuch samajh aata nahin mujh gung ko Kya likhoon? Kaise likhoon? Parwardigar!

Jan khataon par hi jis ki asas Jism isyan par raha jis ka madar

Soch hai maflooj hain ma'oof lafz Kilk hai sharminda kaghaz sharmsar

Kaun qatre zarre tare gin sake Kaise hoga tere wasfon ka shumar?

Ek guldaste mein simte kis tarah Wasf gar seene ke jazbon ki bahar

Shama-e-tashweeq-o-chiragh-e-hub ke gird Chahiye tha tawaaf jo parwana-war

Is fufoor-e-jazb ke izhar ki Tarah ab hoti nahin hai ustawar

Mazmahal aasaab ki shoreedagi Kya tarashey tarz koi paidar

Teri lahza lahza barhti shaan se Hai meri kotahi-e-fun sharmsar

More Lyrics, Less Storage - Install the App and Ditch the Screenshots!

Main hama khas-tab' teri zaat-e-pak Zi-waqar, zi-martaba, zi-iftikhar

Kharb-ha pehlu tere, ae husn-e-kul! Pehlu har ek wasf ke hain be-shumar

Ma'ni-o-matlab teri har shaan ke Be-hudood-o-be-saghoor-o-be-kinar

Rabbana! Maqbool ho bain-ul-sutoor Ka nidamat-za sukoot-e-aitizar

Harf koi bhi tere shayan-e-shan La nahin paya hai yeh na-karda-kar

Yeh meri sa'i-e-shikasta ho qabool Ho yeh manda lahja-o-lab kamgar

Tu nigahban jaise duniya mein raha Aakhirat mein bhi tu rehna pasdar

Tujh se yeh aasi hai dil se afw-khwah Aur mehr-o-aafiyat ka khwastgar

Ek hi khwahish hai ae Barala! Deen-o-duniya mein rahoon main kamgar

Zehen, tarteeb-e-tawazan yab ho Door ho aasaab-o-niyat ka fishar

Tere dar par afw ka talib hoon main Main hama ajz-o-sarapa inkesar

Hamd ke aadab se na-aashna La-ubali mein ujjad, jahil, ganwar

Misra-e-tarak bhi kab likha gaya? Lakh udaya loh-e-kaghaz par ghubar

Bhar bhi mitti se yeh be-sarfa lafz Kya banayein noor ke naqsh-o-nigar

Khasir-o-khain yunhi bekar mein Main gawah baitha hayat-e-musta'ar

Janta hoon main tere qabil nahin Phir bhi hoon tujh se karam ka khwastgar

Afw ka rasta koi rah-e-najat Charon janib hain gunah ke kohsar

Habs-e-dil mein baad-e-bakhshish ki chale Bakht-e-jaan hoon maghfirat ke marghzar

Zang utar jaye riya-o-makr ka Rooh ka aaina ho saaf aab-dar

Pa raha hoon baar kis darbar mein Apne sar lade gunah ka kohsar

Sadqa-e-Hazrat-e-Muhammad Mustafa ﷺ Jo teri takhleeq ka hai shahkar

Ghayat-e-kun, hasil-e-imkan-o-hast Fakhr-e-maujoodat woh aali-waqar

Use khusha! takrar us ke naam ki Jo zabanon pe na zehnon par hai baar

Naam hai kaisa tasalsul aafreen Wird hai kya jaanfiza tasbeeh-dar

Zikr hai gardan-e-amada yahi Karte jayein zikr us ka be-shumar

Jeebh thakti hi nahin is naam se Wird-e-ism-e-zaat hai kya khushgwar

Talib us ki deed ka har deed-war Zakir us ke ism ka har tars-kar

Jis ﷺ ka naam aate mehak uthe waraq Dhyan jis ﷺ ka rashk-e-sad khuld-e-bahar

Guftago kya kam ho us ﷺ ki shaan ki Tazkire mein us ﷺ ke kya ho ikhtisar?

Us ki zaat, us ki risalat, us ke wasf Be-hudood-o-be-kinar-o-be-shumar

Us ki Khatm-ul-Mursalinii ko dawam Ta-qayamat us Nabi ﷺ ka iqtidar

Aap ﷺ ke as-haab taron ki misaal Aan-dar-o-jaan-dar-o-shaan-dar

Barh ke woh maa-baap se aulad se Ummati ek ek us ka jansar

Munfarid fadoiyat-o-eesar mein Khidmat-o-sidq-o-safa mein namdar

Tham apne lutf ki aaghosh mein Ae Raheem ae charagar ae charagar

Fina-o-sharr mein nazar aaye mujhe Khair-o-khoobi ka koi ujla dayar

Haif barhti zindagi ke sath sath Barhta jata hai gunahon ka ubhar

Wehshat-e-shoreedagi paye sukoon Ho sakeenat-yab jaan ka intishar

Aafiyat usloob, khair-e-anjam ho Yeh dil-e-wehshi yeh ma'siyat-sawar

Roz-o-shab hon khair-khwah khair-mand Khatm ho is zindagi ka iztirar

Is jahan mein to zara mumkin nahin Sa'i ho meri sana ki kamgar

Kya tere shayan-e-shan ek madh bhi Rakhi ja sakti hai jannat par udhaar

Hai dua yeh hi, yahi hai iltija Aafiyat usloob ho anjam-e-kaar

Apne daman-e-mohabbat mein samet Muntashir hoon ae mere Parwardigar

Hon tawazan-yab wamanda haseen Chashm-e-rehmat mujh pe ho ae Kardgar!

Aa gaya hai jo khalal aasaab mein Kaun samjhe ga mere Aamrizgar!

Intishar-e-afkar ka ho raast-ro Aa ho mera mahol-e-zehen ab saazgar

Dehr ho barzakh ho uqba ho faqat Hai teri rehmat pe apna inhesar

Awwaleen-o-aakhireen umeed tu Hai tere altaaf pe daromadar

Ek do pal ke sahare dusre Hai tera hi aasra bas paidar

Khush-guman hain teri rehmat par bohat Hum ko karna kamyab-o-kamgar

Tu ne aasooda mujhe dekha sada Aakhirat ka bhi na ho mehsoos baar

Ho dua-e-raftagan hamrah mere Main niayakan-e-kuhan ka paoon pyar

Ho izala arabon jurmon ka mere Kaam jo achhe huye do teen char

Teri rehmat se hon aasaan manzil Bhool ban jayein mere raston ke khar

Ho na dil masloob is aashob mein Mujh ko har lamha na ho manind-e-daar

Rabbana Subhan Rabbi al-Azeem Se hon ham-ahang mere dil ke taar

Arsa-e-mehshar mein aasooda rahe Tere hub-daron ka yeh khidmat-guzar

Harf-e-bakhshish ki mile mujh ko naveed Maghfirat paye tera midhat-nigar

Saf-ba-saf us ki khataein hain karam Hain gunah us ke qatar-andar-qatar

Be-karan fehrist us ke jurm Us ke aibon ka nahin koi shumar

Khoobiyan gar ek do hon bhi to woh Hai riya-o-maslahat se daghdar

Wae nadani! Hamesha hi rahi Zindagi jurm-o-gunah se hamkinar

Teri ta'at mein nahin guzri hayat Rayegan guzrein sabhi lail-o-nahar

Daagh sab he door hon shaha karam! Nama-e-aamal mein aaye nikhar

Tere deen par ho tasdeeq-e-zindagi Jaan ho tere saheefay par nisar

Paoon teri bandagi mein sar-khushi Teri ta'at se mile mujh ko waqar

Phool ban jayein tere ikram se Hain jo daman mein gunahon ke sharar

Be-basi ki chup na jaye rayegan Be-asar jaye na lafzon ki pukar

Zindagi bhar tu ne rakha kamran Aakhirat mein bhi rahoon main kamgar

Rahm! Ae beenanda-e-ma-fis-sadoor Rahm, hum par rahm ae Parwardigar!

Teri rehmat se ho itminan-bakhsh Sa'at-e-payan-e-umr-e-musta'ar

Ho meri sharminda chup, hamd-aashna Khali safha ho gulistan dar-kinar

Tu agar chahe to yeh deewan-e-hamd Thehre ulfat-e-hatiron mein yaadgar

Ikhtitam is misra par ho hamd ka Aitizar-o-aitizar-o-aitizar