Noor e Khuda

Noor-e-Khuda Meri bebasi mein Meri har khushi mein Bas tera naam pukara Hai Raheem tu Hai Kareem tu Hamein tera hi hai sahara

Find Your Favorite Lyrics Anytime, Anywhere - Install the App Today!

Maula tere siwa mera kaun yahan Teri rehmat ka talib hai sara jahan

Noor-e-Khuda tu hai kahan Banda tera hai gumshuda

Meri khata inka yeh hai sila In khataon ki dena saza Teri hi rehmat hai ek aasra Hoga woh jo hoga teri raza

Mayoos hai majboor hai Hamein gham ne ghera hua hai Jo door tha tujh se kabhi Woh ab tera hi hua hai

Maula saare jahan mein hukumat teri Saare bebas huye aisi taqat teri

Noor-e-Khuda tu hai kahan Banda tera hai gumshuda

Tu hi hai awwal hai aakhir bhi tu Maula sab kuch hai faani yahan Duniya ki rangat se dil jor kar Bhoola har pal mein tujh ko Khuda

Teri shaan Jalla Jalal-hu Hamein is qadar na saza de Teri rehmat hai char su Hum pe karam farma de

Maula maaon se barh kar mohabbat teri Main khata-kaar hoon yeh hai fitrat meri

Noor-e-Khuda tu hai kahan Banda tera hai gumshuda