Gunahoun ki Adat Chhura Mere Moula

Gunahon ki aadat chura mere Maula Mujhe nek insaan bana mere Maula

Meri sabiqah har khata mere Maula Tu rehmat se apni mita mere Maula

Tu qudrat se apni badal nek o se Har ek meri laghzish, khata mere Maula

Jo tujh ko jo tere Nabi ﷺ ko pasand ho Mujhe aisa banda bana mere Maula

Tujhe wasta teri rehmat ka ya Rabb Jahannam se mujh ko bacha mere Maula

Meri ta-qayamat jo naslen hon ya Rabb Hon sab aashiq-e-Mustafa ﷺ mere Maula

Hai Ud'uni farman-e-Quran tera Tu sun le meri iltija mere Maula

Mujhe bhi dikha de tu jalwa Nabi ﷺ ka Yehi hai meri iltija mere Maula

Jinhon ne kaha hai duaon ka mujh se Tu kar de sabhi ka bhala mere Maula

Rula tu mujhe bas gham-e-Mustafa mein Na duniya ke gham mein rula mere Maula

Instant Access to Thousands of Lyrics - Tap to Install!

Na mohtaj kar tu jahan mein kisi ka Mujhe muflisi se bacha mere Maula

Ubaid-e-Raza dekhe nazron se Kaaba Ho maqbool har ek dua mere Maula