Dekhte Kiya Ho Ehle Sufa

La ilaha illallah La ilaha illallah Amana bi Rasulillah Amana bi Rasulillah

Dekhte kya ho ahl-e-safa Aa pohanchay mehboob-e-Khuda ﷺ Ya'ni ho chukay jalwa-numa Shahid-e-Haq Shah-e-Batha ﷺ

La ilaha illallah La ilaha illallah

Khalq ke rahbar ﷺ aa pohanchay Haq ke payambar ﷺ aa pohanchay Shafi'-e-mahshar ﷺ aa pohanchay Saqi-e-Kauthar ﷺ aa pohanchay

La ilaha illallah La ilaha illallah

Thandi hawain chalti hain Mash'alein Haq ki jalti hain Hasratein dil ki nikalti hain Khushiyan pair badalti hain

La ilaha illallah La ilaha illallah

Khaliq-e-kul aye Rabb-ul-Ula Shukr tera kyun kar ho ada Hum ko woh mehboob ﷺ diya Rutba jis ka sab se sawa

La ilaha illallah La ilaha illallah

Jin ki Khalil dua mangain Jin ki Masih basharat dein Jin ki gawahi pathar dein Jin se sab sukh dard kahain

La ilaha illallah La ilaha illallah

Aamina bi ko mubarak ho Aur Halima dai ko Hum ko mubarak aur tum ko Shah-e-Aalam ﷺ ki sari ummat

La ilaha illallah La ilaha illallah

Jism se ho jab jaan juda Hum ko milay Firdous mein ja Lootain hum qurbat ka maza Aap ki aye mehboob-e-Khuda ﷺ!

La ilaha illallah La ilaha illallah

Jannat ki jab sair karain Hum bhi sab humrah chalain Hauz-e-Kauthar pohanchain Haath se Aap ke jaam piyain

La ilaha illallah La ilaha illallah

No Internet? No Problem! Get the App for Offline Lyrics!

Bakhshish meray maa baap ko bhi Aur meray ahbab ko bhi Ahl-e-sukhan ahbab ko bhi Ahl-e-wafa arbab ko bhi

La ilaha illallah La ilaha illallah

Dawar-e-kul aye Rabb-ul-Ula Sadqa Aala Hazrat ka Jari rahay ta roz-e-jaza Mazhab-e-Ahl-e-Sunnat ka

La ilaha illallah La ilaha illallah