Zair e Taiba Roze Pe Ja Kar

Zair-e-Tayyaba rozay pe ja kar tu salam mera roro ke kehna Mere gham ka fasana suna kar tu salam mera roro ke kehna

Teri qismat pe rashk araha hai ke Madine ko tu ja raha hai Aah jata hai mujh ko rula kar tu salam mera roro ke kehna

Jab pohanch jaye tera safina jab nazar aaye meetha Madina Ba-adab apne sar ko jhuka kar tu salam mera roro ke kehna

Tu Arab ki haseen wadiyon ko regzaron ko abadiyon ko Meri janib se palkein bicha kar tu salam mera roro ke kehna

Jab ke pesh-e-nazar jaliyan hon teri aankhon se aansu rawan hon Mere gham ki kahani suna kar tu salam mera roro ke kehna

Your Lyrics, Even Offline - Install the App for Free!

Pyari pyari woh jannat ki kyari choom lena nigahon se sari Bahr-e-rehmat mein ghota laga kar tu salam mera roro ke kehna

Sabz gumbad ke dilkash nazare rooh-parwar wahan ke minare Un ke jalwon mein khud ko guma kar tu salam mera roro ke kehna

Ro raha hai har ek gham ka mara arz karta hai tujh se bechara Meri bhi hazri ki dua kar tu salam mera roro ke kehna