We've added ads to help keep the platform running and improving for you. Learn More
روز فرشتے در تے آکے جھرمٹ روضے پاک تے پاکے جالیاں سینے نال لگا کے پڑھدےنےاس ورد نوں دم دم صلی اللہ علیہ وسلم صلی اللہ علیہ وسلم
چہرہ شمس تے بدرپیشانی ذات صفات چہ کوئی نہ ثانی نور دا پیکر رب دا جانی سب نبیاں توں شان معظم صلی اللہ علیہ وسلم صلی اللہ علیہ وسلم
حسن مثالاں بلیاں جیویں دندچمبےدیاں کلیاں جیویں بول نےکھنڈدیاں ڈالیاں جیویں نام ہےہراک درد لئ مرہم صلی اللہ علیہ وسلم صلی اللہ علیہ وسلم
سب دے آقا سب دے مولا سب دے ملجا سب دےہمدم سب توں سوہنےسب توں اعلےٰ سب دےمونس سب دے ہمدم صلی اللہ علیہ وسلم صلی اللہ علیہ وسلم
نشرح دی تفسیرہے سینہ مشک غبرتھیں ودھ پسینہ عرش تھیں اعلیٰ پاک مدینہ رب دی ہراک شےدے قاسم صلی اللہ علیہ وسلم صلی الہ علیہ وسلم
رب دا وی ایہہ ہےپیارے پڑھدےنبی تے مرسل سارے حوراں، قدسی چمن تے تارے پڑھدےنےاس ورد نوں ہردم صلی اللہ علیہ وسلم صلی اللہ عیہ وسلم
سوہنی شان عظیمی والا دو عالم دا نور اجالا مونڈھےاُتےکمبل کالا نوردرھےمکھڑےتے چھم چھم صلی اللہ علیہ وسلم صلی اللہ علیہ وسلم
نظرکرم دی جس تے پاوے وحدت والا رنگ چڑھاوے دوجگ جس دا صدقہ کھاوے حافظ لکھاں اس دے خادم صلی اللہ علیہ وسلم صلی اللہ علیہ وسلم
