Pyare Nabi Par Lakhon Salaam

Habib-e-Khuda par laakhon salam Pyare Nabi ﷺ par laakhon salam

Hum sab hain Aaqa ﷺ tere ghulam Honton pe har dam tera hi naam Ae Rehmat-e-Alam Khair-ul-Anaam ﷺ Pyare Nabi ﷺ par laakhon salam

Arsh-e-bareen par tum ko bulaya Raaz na koi tum se chupaya Baad az Khuda hai tera maqam Pyare Nabi ﷺ par laakhon salam

Why Screenshot When You Can Download? Get the App for Efficient Storage!

Teri raza mein Rabb ki raza Tere liye hi sab kuch bana hai Tere hi dam se qaim nizam Pyare Nabi ﷺ par laakhon salam

Mushkil mein jab bhi jis ne pukara Dete hain Aaqa ﷺ us ko sahara Mushkil kushai un ki hai aam Pyare Nabi ﷺ par laakhon salam

Hoor-o-malaik jin-o-bashar kya Har zarra zarra shajar-o-hajar kya Har ek sana khwan hai subh-o-shaam Pyare Nabi ﷺ par laakhon salam

Jis ka wazifa zikr-e-Nabi ﷺ hai Chiragh us ko samjho beshak wali hai Rabb se mila yeh us ko inaam Pyare Nabi ﷺ par laakhon salam