Marhaba Ya Mustafa

مبارک ہو وہ شہِ پردے سے باہر آنے والا ہے گدائی کو زمانہ جس کے در پر آنے والا ہے

چکوروں سے کہو ماہِ دل آرہا ہے چمکنے کو خیر ذروں کو دو مہر منور آنے والا ہے

فقیروں سے کہو حاضر ہوں جو مانگیں گے، پائیں گے کہ سلطانِ جہاں محتاج پرور آنے والا ہے

کہو پروانوں سے شمع ہدایت اب چمکتی ہے خبر دو بلبلوں کو وہ گل تر آنے والا ہے

کہاں ہیں ٹوٹی اُمیدیں کہاں ہیں بے سہارا دل کہ وہ فریاد رس بیکس کا یاور آنے والا ہے

ٹھکانہ بے ٹھکانوں کا سہارا بے سہاروں کا غریبوں کی مدد بیکس کا یاور آنے والا ہے

Find Your Favorite Lyrics Anytime, Anywhere - Install the App Today!

بر آئیں گی مرادیں حسرتیں ہو جائیں گی پوری کہ وہ مختارِ کل عالم کا سرور آنے والا ہے

مبارک درد مندوں کو ہو مژدہ بیقراروں کو قرارِ دل شکیبِ جانِ مضطر آنے والا ہے

گنہ گاروں نہ ہو مایوس تم اپنی رہائی سے مدد کو وہ شفیعِ روزِ محشر آنے والا ہے