Khair ul Bashar Par Lakhon Salaam

Khair-ul-Bashar ﷺ par lakhon salam Lakhon durood aur lakhon salam

Roz-e-azal jo chamka tha noor Mahshar mein hoga us ka zahoor

Awwal se aakhir un hi ka naam Khair-ul-Bashar ﷺ par lakhon salam

Jin-o-malaik tere ghulam Sab se siwa hai tera maqam

Yaseen-o-Taha tere hi naam Khair-ul-Bashar ﷺ par lakhon salam

Jood-o-sakha ka parcham tu hi Zakhm-e-jahan ka marham tu hi

No Internet? No Problem! Get the App for Offline Lyrics!

Mushkil kushai tera hi kaam Khair-ul-Bashar ﷺ par lakhon salam

Arsh-e-bareen tak charcha tera Shams-o-qamar hain sadqa tera

Ae mah-e-kamil husn-e-tamam Khair-ul-Bashar ﷺ par lakhon salam

Ae jaan-e-jana jaan-e-jahan ﷺ Shadan ke tum ho Shah-e-shahan ﷺ

Nazaan ke hum hain adna ghulam Khair-ul-Bashar ﷺ par lakhon salam

Sab ko mayassar ho yeh maqam Pahunchain Madine ban kar ghulam

Parhte durood parhte salam Khair-ul-Bashar ﷺ par lakhon salam

Teri sana hai mera naseeb Qurban tum par ho jaan-e-Adeeb

Tum par tasdeeq-e-alam tamam Khair-ul-Bashar ﷺ par lakhon salam