Yaad e Watan Sitam Kiya

Yaad-e-watan sitam kiya dasht-e-Haram se layi kyun Baithe bithaye badnaseeb sar pe bala uthayi kyun

Dil mein to chot thi dabi haye ghazab ubhar gayi Poocho to aah-e-sard se thandi hawa chalayi kyun

Chhor ke us Haram ko aap ban mein thagon ke aabaso Phir kaho sar pe dhar ke hath lut gayi sab kamayi kyun

Get Lyrics On-The-Go! Download Our App Now!

Bagh-e-Arab ka sarv-e-naaz dekh liya hai warna aaj Qumri-e-jaan-e-ghamzada goonj ke chahchahayi kyun

Naam-e-Madinah le diya chalne lagi naseem-e-khuld Sozish-e-gham ko hum ne bhi kaisi hawa batayi kyun

Kis ki nigah ki haya phirti hai meri aankh mein Nargis-e-mast-e-naaz ne mujh se nazar churayi kyun

Tu ne to kar diya tabeeb aatish-e-seena ka ilaaj Aaj ke dood-e-aah mein boo-e-kabaab aayi kyun

Fikr-e-ma'aash bad-bala hol-e-ma'aad jaan-gaza Lakhon bala mein phansne ko rooh badan mein aayi kyun

Ho na ho aaj kuch mira zikr huzoor mein hua Warna miri taraf khushi dekh ke muskurayi kyun

Hoor-e-jinaan sitam kiya Taibah nazar mein phir gaya Chher ke parda-e-Hijaz des ki cheez gayi kyun

Ghaflat-e-sheikh-o-shaab par hanste hain tifl-e-sheer-khwar Karne ko gudgudi abas aane lagi bahayi kyun

Arz karoon huzoor se dil ki to mere khair hai Peet-ti sar ko aarzoo dasht-e-Haram se aayi kyun

Hasrat-e-nau ka saniha sunte hi dil bigar gaya Aise mareez ko Razaؔ marg-e-jawan sunayi kyun